كيف تقضي على الفراغ القاتل بالدوام؟  

Posted by: Chaotic pOsha

بما إني مدرسة ومتعودة على الشغل من شهر 9 وأنا أكرف ما كان عندي وقت فراغ كلش 

وبما أن قرار وزارة التربية بتطويــــــــــــــــــــــــــــــل فترة دوامنا ليما آخر يونيو وتقليـــص العطلة إلى شهرين

مع أن ماعندنا شغل وخلصنا المنهج وخلصنا الامتحانات وخلصنا تصليح وبس مجابلين بعض بالقسم من سبع الصبح لي عز الظهر

قــــــــــررت إني أقزرها انترنت 

وبعد بحث فوضوي عميق في دهاليز الشبكة العنكبوتية وبعيدا عن احباطات المواضيع السياسية لقيت أشياء عجيبة وغريبة مسلية وممتعة ومفيدة وماتتطوف 

الفاضي بالبيت أو بالدوام ماعنده شغل مثلي واللي ضايق خلقة واللي مجابل الشاشة 24 ساعه هذي أحسن طريقة تقضون وقتكم فيها 

تفضلو واستمتعو انا حدي استانست

أولا

فيديو التجربة رقم 14

YYYN experiment 14 hahaha wanasa



ثانيا

 اذا تحب الموسيقى اعزف مع يوتيوب 

أنا ألفت مقطع عجيب أنصحكم تلودوون كل الفيديوهات أول قبل لا تبدون

http://www.inbflat.net


ثالثا

Spezify

موقع بحث بس طريقته غريبة وحلوه بنفس الوقت   

brainstorm method i guess? wow check it out

http://spezify.com/


رابعا

هم بعد محرك بحث يديد تبع مايكروسوفت أتوقع وايد سمعتو عنه

Bing 

http://www.decisionengine.com/Default.html 


خامسا

Draw and discover!

موقع غريب بس أرسم وشخبط يطلعلك مواقع خاصة بمصممين مبدعين

عجبني وايد وأتوقع له علاقة بالبي بي سي...اللي يفهم شالطبخة يفهمني بليز

http://mnatwork.com/#/?state=0 


سادسا

Neave.com

هذا السايت غريب بس ذكي وحلو ...جربو كل شي فوق بالقائمة وناسة

أكثر شي عجبني التلفزيون حدة يضحك وهم الكور اللي تناقز لول

http://www.neave.com/ 


سابعا

Pick one (endless)

موقع حق الفاضي صج بس اختار يا أبيض يا أسود 

بس ترا ماراح توصلون حق شي لوول

أنا قعدت اختار نص ساعه

http://heyben.com/pickone/


This entry was posted on Wednesday, June 17, 2009 . You can leave a response and follow any responses to this entry through the Subscribe to: Post Comments (Atom) .

6 comments

لو منزله هالبوست قبل امس كان قزرتها بزام الليل بس حلو موقع البحث
http://spezify.com
و الله يعينكم علىالاقتراح المقدم مال تطويل ساعات اليوم الدراسي
قبل كان اغلب الشباب يقول بتزوج مدرسة
اللحين الله يعين هالمدرسات و خصوصا اذا طبقوا القرار
وين تشوف اهلها

يعني الحال من بعضه؟

أنا ما عندي مانع ان يصير الدوام ليما الساعه 3 لكن بشروط أولها أن يوفرون لنا بيئة صالحة للعمل

يعني الطالبات ماعندهم حتى كافيتيريا مكيفة للاستراحة
يدورون بالساحه جنهم مساجين

واحنا يالله مكاتبنا تكفي القسم ماكو شبر نمشي

بالله انا بقعد نص يوم بهالحاله؟؟

في وايد أولويات لازم يطبقونها أول

بس أتوقع لو يطبقون هالقرار
ثلاث ارباع المدرسات يستقيلون لول

الحال من بعضة بس انتي مدرسة انا سكرتيرة بالادارة لاتشوفين الفضاوة مرات يمر الشهر ماكو شغل لما انييب لابتوب وااااي كل من يطل بلابتوبج :"""( انسي انسي الله يخلي البلاك بيري الي حل هالمشكلة العويصة

ونستاهل العطلة من بعد دوام غثيث ومليق ونرتاح من الطالبات :pP~

ويييه عاد السكرتارية صج ماكلينها من الشغل ..الكل يحن عليهم

وعلى قولتج البلاك بيري مسوي هوايل بس هم اللابتوب أحسن
;p

على قولتج خل نرتاح هالشهرين ولو انهم شويه

blog 3mty:
خاربة خاربة ...خلينا نعميها

:)))

Post a Comment