ستوديو المهزلة  

Posted by: Chaotic pOsha


طبعا الإنسان الراقي تعرفه من حسن كلامه وحسن المعاملة والابتسامة والتواضع لكن اللي انا شفته في زيارة لأحد القنوات الفضائية الكويتيه للمشاركة في برنامج مسابقات "للأطفال" يبث يوميا حوالي الساعه الثالثه كان عكس ذلك تماما!

البداية كانت مع أحد ال Staff اللي خلف الكواليس

قبل بداية البرنامج قررنا نصور الطالبات كذكرى أمام الاستديو وماوعينا إلا الأخ يحاجينا بلهجه حادة "يلا طلعوو منو قالكم تييون هني يلا يلا لا تكسرون الكاميرا؟"

شالضيافة؟ شالأدب؟ شالأخلاق؟ شالمعاملة؟ ترا مو طرارة السالفة! مادري الأخ شايف شواذي جدامه مو معلمات مع طالباتهم!!!

صج ماكو لباقة والشرهه مو عليه على اللي مخليه هناك

طبعا ما سكتله عطيته جم كلمه بالصميم ولكن كنت مهذبه بكلامي لاني حاطه اعتبار حق الناس اللي حوالي وخصوصا الأطفال.

بعد انتظار....

وصلت المذيعه الراقيه بتعاملها ولبسها! ولا سلمت ولا رحبت بالموجودين و أول كلمة سمعناها منها شنو تتوقعون؟ لا وجدام الطلاب والطالبات اللي ما يتعدى عمرهم عشر سنوات؟

"فلااان الله يلعنك" بصوت عالي وضحكات هستيريه ونغزات وحركات لا تليق ببرنامج مخصص للأطفال!!!

من حسن حظي ان احنا خسرنا بالمسابقه عشان لا نتأهل للنهائيات و لا أكرر هذي التجربة اللي ممكن نسميها مهزلة بمعنى الكلمة.

كنت أتوقع معاملة وايد أرقى و ألبق من جذي.


ملاحظة: ما انكر وجود بعض الأشخاص المميزين بتعاملهم معانا واشكرهم على حسن تعاملهم "لو خليت خربت" ولكن للأسف التجربة بشكل عام سيئة جدا جدا!

This entry was posted on Tuesday, December 16, 2008 . You can leave a response and follow any responses to this entry through the Subscribe to: Post Comments (Atom) .

9 comments

شموديكم هناك
لو ماخذينهم رحلة حديقة الحيوانات احسن
الجو حلو وماكو حيوانات
اول مره اشوف حديقة حيوانات فيها دياي
بس هم احسن من ستوديو الابطال

إنتي من صجج؟ أصلن التلفزيون بكبره ما قمت أطالعه بسبة مذيعينا الزبالة وإنتي بكرامة

طبعا خلينا من برامج الأطفال, و حلومة على صوب

شنو ما أواطنها

Fankooshy: رايحه عشان نشارك بالمسابقه وعشان طالباتي

شكلة من اليوم ورايح حديقة الحيوان وبس لان التعامل مع الحيوانات وايد ابرك

cloudy stars
اي انا ما اطالع فيه شي بعد
بس توقعت بما ان قطاع خاص راح يكون مختلف بس خاب ظني

شايفين عمرهم عالطل

المهم بردت قلبي

وحلومه على قولتك خلها على صوب مالي خلقها لول

What do you think from people in Kuwait. Most of them are "halga" and they are the ones that let people around the world think we are disrespectful. Well, if they do that in front of children then, what do you think they are doing in their real social life?

I think they are just "3ar 3ala el-mojtama3"

loooooooool eee wala shmwadeeech lol !! :D girl enty ooo this school of yours your going nuts wala :D

G: Well most of whom i talked about were non Kuwaitis yet that doesnt mean your wrong..we live in a sick society "Bkl elmaqaayees" kh9o9an el ejtma3yah!

people here don't know how to deal with children ...With this kinda treatment i say we got a promising future!

NAvY: am already nuts..Remember? lol

ee adri fehom 7adhom hailag

Post a Comment