تحذير لنساء قرطبة  

Posted by: Chaotic pOsha



صارلي مده اسمع نفس السالفه من كذا وحده من رفيجاتي ومعارفي يقولون كل ما نروح جمعية قرطبة نلقى واحد يفرفر هناك
ونظراته غريبه ولما نروح السياره يلحقنا يموتنا من الخرعه
وانا بعد صارلي نفس الموقف فقلت خل احذر الناس منه
ولا وذاك اليوم رايح واقف جدام عزا الحريم يطالع بنظرات
يممممممممممه يخرع
FREAK

مواصفاته
طويل 180 وفوق
أبيض
يلبس ترييننق مبهذل
عمره حوالي 25 سنه
وبس ما اذكر شي ثاني

عموما قد اعذر من انذر

ديربالكم

Goodbye Grandma  

Posted by: Chaotic pOsha

To people who lost their loved ones...I give you this poem..take a closer look..it's indeed a comfort in grief.


It's so hard to believe you are gone. I miss you.

ستوديو المهزلة  

Posted by: Chaotic pOsha


طبعا الإنسان الراقي تعرفه من حسن كلامه وحسن المعاملة والابتسامة والتواضع لكن اللي انا شفته في زيارة لأحد القنوات الفضائية الكويتيه للمشاركة في برنامج مسابقات "للأطفال" يبث يوميا حوالي الساعه الثالثه كان عكس ذلك تماما!

البداية كانت مع أحد ال Staff اللي خلف الكواليس

قبل بداية البرنامج قررنا نصور الطالبات كذكرى أمام الاستديو وماوعينا إلا الأخ يحاجينا بلهجه حادة "يلا طلعوو منو قالكم تييون هني يلا يلا لا تكسرون الكاميرا؟"

شالضيافة؟ شالأدب؟ شالأخلاق؟ شالمعاملة؟ ترا مو طرارة السالفة! مادري الأخ شايف شواذي جدامه مو معلمات مع طالباتهم!!!

صج ماكو لباقة والشرهه مو عليه على اللي مخليه هناك

طبعا ما سكتله عطيته جم كلمه بالصميم ولكن كنت مهذبه بكلامي لاني حاطه اعتبار حق الناس اللي حوالي وخصوصا الأطفال.

بعد انتظار....

وصلت المذيعه الراقيه بتعاملها ولبسها! ولا سلمت ولا رحبت بالموجودين و أول كلمة سمعناها منها شنو تتوقعون؟ لا وجدام الطلاب والطالبات اللي ما يتعدى عمرهم عشر سنوات؟

"فلااان الله يلعنك" بصوت عالي وضحكات هستيريه ونغزات وحركات لا تليق ببرنامج مخصص للأطفال!!!

من حسن حظي ان احنا خسرنا بالمسابقه عشان لا نتأهل للنهائيات و لا أكرر هذي التجربة اللي ممكن نسميها مهزلة بمعنى الكلمة.

كنت أتوقع معاملة وايد أرقى و ألبق من جذي.


ملاحظة: ما انكر وجود بعض الأشخاص المميزين بتعاملهم معانا واشكرهم على حسن تعاملهم "لو خليت خربت" ولكن للأسف التجربة بشكل عام سيئة جدا جدا!

ما تيس إلا أنت  

Posted by: Chaotic pOsha